نص دعوة عملاء من الانترنت

مرحبا بحكي مع(اسم المتدرب)...؟
بحكي معك .....(اسم المسوق) تركت تفاصيلك بخصوص شغل عن طريق الانترنت مزبوط؟
شو الأخبار؟
انا عم بتواصل معك عشان اعطيك تفاصيل أكثر معك  كم دقيقة نحكي؟
.....(اسم المتدرب) طلعلك من قبل تسمع عن شركة B:HIP GLOBAL او احد مشاريعها. بالبلاد أو خارج البلاد؟

تمام اسا راح اعطيك كل التفاصيل ولكن...(اسم المتدرب) بالبداية بهمني تعرفني أكثر عن حالك (من وين حضرتك،  قديه العمر، شو بتساوي بحياتك اليوم )؟ (كن مهتم)
كيف انا فاهم, انك مهتم بدخل إضافي ؟
ممتاز لكان خليني اشرحلك اكتر عنا وشو منساوي واذا بكون عندك أي سؤال يا ريت لو بتخلي للاخر , تمام ؟
بالشركة احنا مختصين بال קידום באינטרנט (التسويق عبر الانترنت). واليوم احنا بنشكل فريق مميز وهدف هذا الفريق تطوير النشر والتسويق لمنتجات الشركة عن طريق عدة أدوات ومواقع واغلب شغل هذا الفريق بالفيسبوك والانستجرام وتيك توك.
طبعا بتقدر تشتغل بوقت الفراغ أو تبني المشروع لدخل أساسي, وكونه احنا بنشتغل ضمن إطار جدول زمني مريح،انت بتقدر تختار الوقت وكم ساعة شغل تخصص في الأسبوع.

بالنسبة للدفع الشركة بتدفع كل أسبوع بحسب انتاجك وتقدمك, هذا الاشي بقول كل ما استثمرت وقت اكثر رح تقدر تحقق نتائج أكبر, وعشان تقدر تشتغل معنا وتكون جزء من هذا الفريق المفروض انك تمرق معنا 3 لقاءات إرشاد اونلاين عن طريق تطبيق الZOOM, طبعا انت مش بحاجة لخبرة مسبقة بالمجال... لأنه خلال اللقاءات راح نعلمك كل الشغل من الصفر , وبعد ما تخلص ال 3 لقاءات الشركة بتعطيك موقع خاص فيك للشغل الي من خلاله بتقدر تسوق الشركة.

بهمني يكون واضح أنت بحاجة انك تخصص بين 10-15 ساعة بالاسبوع, يعني 2-3 ساعات باليوم عشان تقدر تحصل على نتائج ملحوظة.
قبل ما احدد موعد الك للقاء الأول، بعتقد هذا المشروع لتحقيق دخل إضافي هو شيء أنت قادر عليه، صح؟

ممتاز, اسا رح اعطيك كل التفاصيل بخصوص اللقاء الاول, بهمني تعرف انه الأشخاص اللي بتقدم اللقاء هني أصحاب أفضل نتائج في الفريق والهدف من اللقاء هو اعطائك المعلومات الأولى بخصوص الشركة.

بعد اللقاء عندك المجال تقرر اذا هاض المشروع ملائم الك عشان نتقدم للقاء الثاني.
مدة اللقاء حوالي ساعة على تطبيق Zoom، استعملت الZoom من قبل ؟ (إذا كان لا يعرف ساعده)

في عندي موعدين او يوم.... الساعه ....او يوم....الساعه..... أي موعد ملائم الك اكتر.

….(اسم المتدرب)، عدد المحلات محدود وأنا عنجد ما بدي امسك محل شخص آخر. أنت متأكد أنه راح تكون معنا باللقاء يوم…. الساعة ….؟ 

رائع

من المهم تفضي حالك للقاء وتكون في مكان هادئ، ويفضل أن يكون معك سماعات مع دفتر وقلم لتسجيل ملاحظات, لأنه اللقاء بث مباشر ويبدأ في الوقت المحدد.

شيء أخير مهم….(اسم المتدرب) ، بما أننا بشر وعنا ملان شغلات كل يوم، من المتوقع ننسى، لو سمحت سجل تذكير أو منبه على هاتفك قبل 15 دقيقة من بدء اللقاء تبعثلي رسالة طلب للرابط انت عشان ابعثلك اياه. تمام؟ 

رائع
انا راح احجز لك محل باللقاء واسا رح ابعتلك رساله فيها كل تفاصيل اللقاء بالاضافة للانستجرام لقائد الفريق تاعي نعمة صايغ حتى تتعرف عليه اكثر , بس اكدلي انو الرسالة وصلتك.
بتقدر تسجل رقمي في هاتفك باسم …. /….، اتفقنا ؟

نهارك سعيد ….(اسم المتدرب).